Kokainë me vlerë 36.000 paund dhe 9,183 paund të fshehura në një banesë në Norwich u gjetën nga policia britanike, që ushtroi kontroll në banesë pas arrestimit të një 39-vjeçar, të identifikuar nga mediat vendase si Besmir Doci. Kur policia po kontrollonte banesën, personi tjetër i përfshirë në veprimtarinë kriminale, Armir Cenaj, 24 vjeç, u kthye në banesë pasi kishte bërë pazarin. Atij iu gjet një sasi kokaine si dhe 365 paund cash. Gjykata vendosi nga dy vite burgim për dy të rinjtë. Avokati i Doçit tha në gjykatë se klientit të tij i vinte “shumë keq” pasi erdhi në Britani me premtimin e punësimit e gjeti veten në borxhe, ishte “i pastrehë dhe nuk kishte mbështetje”. Ndërsa avokati i Cenajt, tha se atij si shumë të tjerëve, ishin mashtruar për të ardhur në Mbretërinë e Bashkuar. Pamjet: AFP