Të paktën 29 persona, duke përfshirë dhe 11 fëmijë e një grua shtatzënë, u shtypën për vdekje, kur grabitësit futën në panik turmën që po merrte pjesë në një rit fetar në kryeqytetin e Liberisë. Katastrofa ndodhi në mëngjes gjatë lutjes kristiane në një zonë të varfër të qytetit Monrovia, tha zëdhënësi i policisë Moses Carter. Ai shtoi se numri i viktimave mund të rritet pasi disa prej të plagosurve janë në gjendje të rëndë. Një grup të rinjsh tentuan të grabisnin besimtarët, veprimi i të rinjve i trembi ata të cilët në panik e sipër shkelën njëri tjetrin. Përveç viktimave 15 persona të tjerë janë shtruar në spital, mes të cilëve shtatë janë fëmijë. Presidenti i vendit George Ëeah shpalli tre ditë zie dhe urdhëroi hetim të ngjarjes. Mediat vendase thanë se lutja kristiane e njohur në Liberi si "kryeqëzata" – mbahej në fushën e futbollit të Neë Kru Toën. Grumbullime të tilla tërheqin mijëra besimtarë në Liberi, vend që ka 5 milionë banorë, ku shumica e tyre janë të besimit kristian.