Të paktën 29 persona raportohet se janë vranë gjatë bombardimeve mes forcave izraelite dhe militantëve të Gazës. 28 prej viktimave, shumica prej të cilëve civilë, janë nga radhët e palestinezëve dhe vetëm një izraelitë. Nga sulmet ajrore të ushtrisë izraelite gjatë tre ditëve të fundit, janë vrarë dhe disa fëmijë, raportuan forcat palestineze. Ndërkohë forcat militante u kundërpërgjigjën duke lëshuar raketa. Pavarësisht tentativave të qeverisë së Egjiptit për të rivendosur armëpushimin, të dyja kampet kanë vijuar ofensivat. Lidhur me situatën e tensionuar, Bashkimi Evropian bëri thirrje për ndalim të menjëhershëm të sulmeve. "Ne kërkojmë një armëpushim të menjëhershëm gjithëpërfshirës që do t'i japë fund operacioneve ushtarake izraelite në Gaza dhe lëshimit të raketave aktuale kundër Izraelit, gjë që është e papranueshme," tha në një deklaratë shefi i politikës së jashtme të BE-së, Josep Borrell. Ndërkohë edhe shumë shtete të tjera kërkuan që gjakderdhja mes dy vendeve të ndalet menjëherë. Si pasojë e sulmeve, të gjitha dyqanet në Gaza u mbyllën ndërsa shumë njerëz braktisën banesat. Forcat militante thanë se mes personave të vrarë ishin dhe disa udhëheqës ushtarakë. Kurse ushtria izraelite tha se kishte qëlluar 166 baza ku strehoheshin forcat islamike në të gjithë Gazën. Pamjet: AFP