Të paktën 29 persona humbën jetën dhe një tjetër u plagos si pasojë e një zjarri të madh që përfshiu një klub nate në Turqi. Ngjarja ndodhi në bodrumin e një pallati 16-katësh në qytetin e Stambollit. Sipas autoriteteve turke, flakët shpërthyen pak pas mesdite duke përfshirë pothuajse të gjithë godinën. Shumë banorë të pallatit u evakuuan nga ana e forcave zjarrfikëse. Viktimat sipas mediave lokale mendohet se janë punëtor të cilët po merreshin me rinovimin e klubit të natës. Ende nuk dihet identiteti I tyre, ndërsa menjëherë pas ngjarjes u arrestua përgjegjësi I punimeve, menaxheri I lokalit përfshirë dhe tre të tjerë. Sipas kryebashkiakut të sapozgjedhur të Stambollit, Ekrem Imamoglu drejtuesit e biznesit nuk kishin aplikuar për të marrë leje për kryerjen e ndërhyrjeve restauruese. "Nuk ka asnjë kërkesë për një rinovim apo ndërtim në lidhje me vendin dhe pasi ishte dy kate më poshtë nga niveli i tokës" tha ai. Ndërkohë presidenti Erdogan lidhur me këtë ngjarje të rëndë zhvilloi një telefonatë me ministrin e brendshwm, të cilit I kërkoi zbardhjen e plotë të saj. Mendohet se flakët shpërthyen fillimisht në pjesën e skenës e më pas u përhapën me shpejtësi duke përfshirë dhe katet e sipërme të pallatit. Pamjet: AFP