Përmbytjet e 6 janarit shkaktuan dëme të shumta në Qarkun e Durrësit. Sipas bilancit të deritanishëm nga shtabi i emergjencave civile pranë prefekturës së qarkut, janë regjistruar 2 500 banesa të dëmtura nga uji, për të cilat janë mbajtur akt-konstatimet përkatëse. Bashkitë e Krujës dhe Shijakut e kanë përfunduar procesin e verifikimit të dëmeve, ndërsa në Bashkinë e Durrësit,më e dëmtuara nga përmbytjet e fundit, verifikimi vijon ende. Në këtë bashki, zona e Durrësit të Ri ishte ndër më të goditurat.