Njëzet e katër pengje u liruan nga Hamasi dhe tashmë janë kthyer në Izrael. Ministria e Mbrojtjes së izrealit ndau pamjet e momentit kur pengjet u transportuan me autobus. Në total, u liruan 13 izraelitë, 10 tajlandezë dhe një filipinas, njoftuan autoritetet e katarit, të cilat ndërmjetësuan dhe marrëveshjen mes izraelit dhe Hamasit. Ndërkohë nga ana tjetër edhe shteti hebre, sipas BBC, liroi 39 të burgosur palestinezë: 24 gra dhe 15 djem adoleshentë. Sipas kushteve të marrëveshjes së negociuar gjatë katër ditëve të armëpushimit grupi I militantëve islamikë do të lirojë 50 pengje ndërsa Izraeli 150 të burgosur. Presidenti amerikan Joe Biden njoftoi se shba vazhdimisht ka bërë presion për lirimi ne të gjithë pengjeve me qëllim që të ndaleshin sulmet në Gaza. Por teksa palët bënë shkëmbimet e para, nga ana tjetër, dhjetëra kamionë me ndihma hynë në Gaza nga Egjipti. Krahas ushqimeve, u transportuan dhe ilaçe për spitalet si dhe karburant. Por teksa në zonë po bëhet shpërndarja e ndihmave, Izraeli përsëriti dhe njëherë thirrjen ndaj palestinezëve që të mos rikthehen në banesat e tyre në veri pasi është një zonë lufte. Deklaratë kjo që ka lënë të hapur mundësinë se pas përfundimit të armëpushimit, trupat ushtarakë do të rifillojnë operacionin kundër Hamasit.