Tre nga djemtë e udhëheqësit të ndjerë suprem iranian Ali Khamenei bënë një paraqitje të rrallë publike në funeralin e tij të dielën, por mungoi pasardhësi I tij, Mojtaba Khamenei. Turma prej mijëra njerëzish mbushën kompleksin fetar Grand Mosalla në Teheran për të dytën ditë radhazi për të marrë pjesë në ceremonitë zyrtare mortore të Khameneit dhe katër anëtarëve të familjes së tij të vrarë më 28 shkurt në sulmet ajrore izraelite bazuar në inteligjencën amerikane. Spekulimet rreth gjendjes së Mojtabas, I plagosur në të njëjtat sulme ajrore SHBA-Izrael që vranë të atin e tij kanë vazhduar pasi ai nuk është shfaqur në publik që nga emërimi i tij në fillim të marsit. Mungesa e Mojtaba Khameneit në ceremoni vjen në një sfond frike se Izraeli mund të dëshirojë ta vrasë edhe atë, në një kohë që SHBA-të dhe Izraeli janë në mesin e një armëpushimi të brishtë, njëkohësisht me të cilin vijojnë edhe bisedimet për një marrëveshje paqeje të përhershme.megjithatë, deri të enjten kur do të kryhet varrimi i ish liderit suprem do të shihet nëse Mojtaba Khamenei shfaqet në publik. Autoritetet iraniane thonë se pritet që 12-20 milionë njerëz të marrin pjesë në ceremoninë mortore që ka nisur që prej të premtes, duke e cilësuar atë si "funerali i shekullit".