19 vende evropiane janë në alarm të rrezikut ekstrem nga zjarret, në një hapësirë që shtrihet nga Portugalia dhe Spanja në jugperëndim deri në Shqipëri dhe Turqi në juglindje, sipas Sistemit Evropian të Informacionit për Zjarret në Pyje. Ndërsa vala e të nxehtit të Evropës lëviz drejt lindjes, zjarret kanë detyruar dhjetëra mijëra njerëz të largohen nga shtëpitë e tyre, duke mbuluar me tym pjesë të Italisë, Francës, Spanjës, Portugalisë e Greqisë. Ndërsa Gjermania, Hungaria dhe Italia janë goditur me temperatura të larta prej më shumë se 38 gradë . Dita e sotme shënoi pak lehtësim për Mbretërinë e Bashkuar , ku temperaturat u ulën nga niveli më i lartë i të gjitha kohërave prej 40.3 C të martën. Por disa zona rezidenciale rreth Londrës u lanë në gërmadha pasi zjarret shpërthyen nëpër pjesë të ndryshme të kryeqytetit, duke futur shërbimin e zjarrëfikësve në një krizë që nuk ishte që nga lufta e dytë botërotre. efekte Por i nxehti përvelues nuk po djeg vetëm evropën. Në Shtetet e Bashkuara, autoritetet po bëjnë thirrje për kujdes pasi vala e të nxehtit që nuk tregon shenja ngadalësimi po pjek rajonet jug-qendrore të vendit. edhe në Kinë, miliona qytete me popullsi të dendur po përjetojnë nxehtësinë ekstreme. Sipas Administratës Meteorologjike të Kinës, të paktën 31 qytete kineze lëshuan paralajmërimin e dytë më të lartë të alarmit portokalli, me temperatura që pritet të shkojnë deri në 37 gradë Celsius në 24 orët e ardhshme.