Top Channel/ 16 turistë humbën jetën nga janari deri më tani! 4 në aksidente, 12 në male dhe lumenj

Aksidenti tragjik në Shalë ku humbi jetën turistja gjermane 31 vjeçare nuk është një rast I izoluar. Gjatë këtij sezoni turistik në vendin tonë kanë humbur jetën 16 turistë të cilët janë përfshirë në aksidente rrugore apo në incidente në atraksionet turistike që kishin zgjedhur të vizitonin. Per shkak të aksidenteve rugore kanë humbur jetën 4 turistë ndersa të tjerët kanë mbetur viktima duke bërë sporte në lumenj apo në lartësi. I ngjashëm me rastin e turistes gjermane në Shalë ishte dhe ai I datës 9 maj ku 2 vajza një belge dhe një francize duke kaluar në këmbë nga thethi drejt valbonës pa udhërrëfyes u rrëzuan në humnerë dhe humbën jetën. Jetë turistësh kanë marrë edhe lumenjtë. Në kanionet e osumit më 11 maj u mbyt një turist holandez ndërsa në kanionet e Langaricës më 31 mars u mbyt nje 66 vjeçare gjermane ndërsa bashkëshorti I saj mundi të shpëtojë. Në të gjitha këto raste turistët nuk kanë qenë të shoqëruar me guida profesioniste.