14 persona humbën jetë nga zjarret e mëdha që kanë përfshirë pyjet në verilindje të Kazakistanit. Ata u dogjën gjatë përpjekjeve për t’u shpëtuar flakëve. Sipas autoriteteve të shtetit të Azisë Qendrore, numri I viktimave pritet të rritet akoma më shumë pasi në male kanë mbetur të bllokuar dhe rojet e pyjeve, të cilët ende nuk janë gjetur. Nga zjarret deri më tani raportohet se janë djegur mijëra hektarë me pemë e shkurre. Ndërkohë forcat zjarrfikëse po vijojnë luftën nga toka e ajri por ende nuk kanë mundur t’i neutralizojnë vatrat e zjarrit.