Prifti i Kishës në Manastirin e Zvërnecit, At Jani Tereziu ka kryer një shërbesë në kujtim të qëndistares së Flamurit Kombëtar, Marigo Posio që ndodhet në Manastirin në Zvërnec. Shërbesa e Përshpirtjes vjen një ditë para 111-vjetorit të ngritjes së flamurit në Vlorë. Shqipëria pret këtë 28 nëntor me festime të mëdha në rang kombëtar. Kryeqyteti pritet të mbaj nesër paradën e Pavarësisë në të cilën janë të ftuara të marrin pjesë 128 bashki në trojet shqiptare. Parada për festat e nëntorit bën bashkë në Tiranë mijëra atdhedashës të cilët jetojnë dhe punojnë jashtë Shqipërisë, përfaqësues të qeverisë shqiptare, të Kosovës, Maqedonisë së Veriut e Malit të Zi, përfaqësues të Unionit të Bashkive të Shqipërisë, komunave arbëreshe, anëtarë të trupit diplomatik, personalitetet publike dhe artistë.