Duhet të ishte një shëtitje idilike në një fshat të bukur Italian, por u kthye në makth për miliarderin britanik John Caudwell – themelues i Phones4U. 68 vjecari ishte me biciklete kur ndodhi aksidenti i tmerrshëm, dhe faktin që shpëtoi gjallë ia detyron vetëm kokores së mbante në kokë. Ai ka përfunduar me shpatullën e nxjerrë nga vendi, një mushkëri të shpuar dhe 11 kocka të thyera. Edhe pse mezi merrte frymë, arriti të telefonte partneren e tij, e cila menjëherë mori shërbimin e urgjencës dhe autoambulanca mbërriti shumë shpejt në vend. “Jam 99% i sigurtë se po të mos e kisha kokën të mbrojtur, do ta kisha paguar me jetë. E dija se përplasja më kishte shkaktuar dëmtime serioze sepse nuk merrja dot frymë, dhimbjet ishin agonizuese”, shprehet ai. Si të mos mjaftonte me kaq, në spitalin pranë Firences kishte pasur probleme të tjera me stafin që nuk fliste anglisht, dhe që me disa veprime, ia kishte përkeqësuar gjendjen edhe më shumë. “Ishin pesë ditë tmerri”, ka thene miliarderi. Pamjet: AFP