Ricky Lee Sneve po kalonte një ditë të qetë me familjen e tij pranë brigjeve të lumit Big Sioux në Dakotën e Jugu, kur dy prej fëmijëve më të vegjël të familjes ranë në ujë. I ati u hodh menjëherë dhe arriti të tërhiqte njërin prej tyre, ndërsa Ricky 10 vjecar u zhyt të shpëtonte motrën, Chevelle. Ai arriti ta shtynte vogëlushen në breg, por vetë nuk ia doli dot dhe u mbyt. Burime të policisë së kontesë Lincoln pohuan se trupi i pajetë i të miturit u gjet pas disa orë kërkimesh. “Im shoq u hodh në ujë dhe Ricky e ndoqi nga pas për të shpëtuar të motrën”, rrëfeu më pas mes lotësh e ëma e djalit. Ricky, shtoi Nicole Eufers, na mësoi “ ta duam e ta vlerësojmë jetën”. Chad Sneve, i ati i 10 vjecarit, më i madhi i katër fëmijëve, tha se i biri ishte gati të bënte gjithcka për të tjerët. “Ishte një fëmijë bujar, i mirë dhe i vecantë, shumë më tepër nga sa mund ta shpjegoj unë me fjalë”, u shpreh ai. Mësohet se xhaxhai i Rickyt ka nisur një mbledhje fondesh GoFundMe për të ndihmuar familjen e tronditur nga kjo humbje e jashtëzakonshme për ta.