Mund ta besoni apo jo por në brigjet e liqenit të Zyrihut në Zvicër një kamerier gjatë sezonit turistik mund të fitoj deri në 16,500 franga në muaj, pak a shumë afro 17, 250 euro. Pa llogaritur këtu dhe bakshishet. Shumë kjo, që sipas Corriere Della Sera, mund të mbulojë shpenzimet e disa muajve për këta punonjës nëse rrinë pa punë. Shkak për fitimet e majme, është bërë strategjia e ndjekur nga dy sipërmarrës zviceranë, të cilët pasi u përballën me mungesën e stafit vendosën që të indeksojnë pagat e punonjësve në varësi të xhiros së bizneseve. Edhe pse një rast tejet I izoluar një punonjës mund të sigurojë 7 deri në 8 përqind të fitimit mujor. Michel Péclard, njëri prej biznesmenëve shpjegoi se të gjithë kamerierët që punojnë në bizneset e tij, marrin nga 8 mijë deri në 12 mijë franga në muaj pa përfshirë këtu pagën minimale prej 3750 frangash të garantuar në kontratë. Kjo strategji e ndjekur sipas tij, e nxit të gjithë stafin që të punojë njësoj sikur restoranti të ishte I tyre. Ndërkohë rroga prej 16,500 është më e paguara deri më tani që është fituar nga një kamerier, thotë ai. Por kjo strategji e ndjekur nga dy pronarët e disa restoranteve në këtë zonë, nuk është e duhura për disa përfaqësues të shoqatës tregtare GastroSuisse. Zona e Liqenit të Zyrihut në Zvicër është më e frekuentuara nga italianët por jo vetëm.