Kryeministri i Izraelit, Benjamin Netanyahu, u shpreh se ushtria izraelite është e përgatitur për veprime të fuqishme në veri të Izraelit, duke shtuar se siguria do të vendoset “medoemos” në zonën e cila po sulmohet nga Hezbollahu. “Kushdo që mendon se mund të na dëmtojë dhe se ne do të qëndrojmë duarkryq, gabohet rëndë. Ne jemi të përgatitur për veprime shumë të fuqishme në veri. Ne do të rivendosim sigurinë në veri medoemos”, është shprehur Netanyahu. Luftimet mes Hezbollahut dhe Izraelit, cilësohen si më të ashprat mes tyre prej luftës së vitit 2006 ku mijëra njerëz u detyruan të braktisin shtëpitë e tyre në të dyja anët e kufirit. Sulmet izraelite i kanë vrarë rreth 300 luftëtarët të Hezbollahut në Liban, si dhe rreth 80 civilë, sipas Reuters. Sulmet nga Libani i kanë vrarë 18 ushtarë izraelitë dhe 10 civilë, thotë mediat Izraelite.