Një ngjarje rëndë ndodhi mesditën e së premtes në Vlorë. Një nënë e re me fëmijën në krah u hodh nga kati i pestë i një pallati në lagjen pavarësia. Pamela Mërtiri humbi jetën menjëherë ndërsa i biri 1 vjeç u nda nga jeta më vonë në spital. Viktima 34 vjeçare nuk ishte banore e pallatit njofton policia dhe ka hyrë në godinë siç duket me qëllimin për tu hedhur nga sheshpushimi i një kati. Një fqinj që po parkonte makinën e ka ndihmuar i pari duke marrë në krahë fëmijën që ishte ende gjallë. “Kur janë hedhur, dëgjova zhurmë dhe dola. Pashë që ishte përmbys. Ajo kishte shenja jete ndërsa fëmija kishte carje në surrat dhe e mori njëri që është këtu me makinë. Nuk ishte banore këtu. E dëgjuam, nuk mund të bëja sehir. Policia nuk e dinte dhe i njoftuam e erdhëm. Ambulanca u vonua 10 minuta.” Viktima me profesion farmaciste nga Tirana kishte shkuar në Vlorë te prindërit. sipas fqinjëve ajo jetonte prej pak kohësh atje pasi kishte probleme me bashkëshortin. Pallati i prindërve ndodhet pas godinës ku e reja hipi për t’i dhënë fund jetës.