Një ditë pas protestës së opozitës, Policia e Shtetit ka arrestuar 7 protestues dhe proceduar penalisht dhjetëra deputetë dhe zyrtarë të Partisë Demokratike. Policia ka nisur procedimin penal në gjendje të lirë për 14 deputetë demokratë, përkatësisht ligjvënësit Flamur Noka, Gazment Bardhi, XhelalMziu, Albana Vokshi, Oerd Bylykbashi, Flamur Hoxha, Petrit Doda, Agron Gjekmarkaj, Elda Hoti, Lefter Gështenja, Saimir Korreshi, Erisa Xhixho, InaZhupa dhe LudovikHasani. Ndërkohë mes përfaqësuesve të opozitës në hetim janë dhe Çlirim Gjata, Lefter Maliqi, TediBlushi dhe Luçiano Boçi. Sipas ‘bluve’ të kryeqytetit, deputetët e proceduar penalisht akuzohen për veprat penale "Pengimi i qarkullimit të mjeteve të transportit", "Organizimi dhe pjesëmarrja në grumbullime e manifestime të paligjshme", "Mosbindja ndaj urdhrave të punonjësit të rendit publik", "Prishja e rendit dhe e qetësisë publike" dhe "Kundërshtimi i punonjësit të policisë së rendit publik". Policia thekson se deputetët dhe përfaqësuesit e partive opozitare iu kanë bërë thirrje tubuesve të bllokojnë akset rrugore, në mënyrë që mos të kishte lëvizje të mjeteve. Por, për kryedemokratinSali Berisha me mosbindjen civile, protestuesit çliruan kryeqytetit për 3 orë nga narkoshteti.