Emisioni Fiks Fare solli një tjetër dëshmi të një punonjëseje të Ndërmarrjes së Pastrim Gjelbërimit Fier, e cila tregon se brigadierja e ka detyruar që t'i japë çdo muaj 20 mijë lekë të vjetra, por jo vetëm aq. Kur brigadierja ka fejuar vajzën të gjitha punonjëset i detyroi t'i jepnin nga 30 mijë lekë të vjetra. Pas denoncimit të Fiks Fare burimet zyrtare pranë kësaj ndërmarrje thanë për Fiksit se znj.Dervishi, nuk do jetë më brigadiere madje as nuk do punojë më në atë ndërmarrje.