TIRANË- Një tjetër person është hedhur nga lartësia e spitalit ku po trajtohej për shkak të infektimit me koronavirus. Ngjarja e rëndë është shënuar mesditën e sotme, në spitalin ‘Covid 1’ (QSUT), në kryeqytet. Top Channel mëson se pacienti R.B, 69-vjeçar, është hedhur nga kati i dytë i spitalit, ndërsa sipas policisë ai, për momentin ndodhet nën kujdesin e mjekëve. Pranë këtyre ambienteve kanë shkuar forca të shumta policie, të cilët kanë rrethuar zonën dhe po hetojnë lidhur me këtë rast. Kujtojmë se ky është rasti i katërt që pacientë të infektuar hidhen nga lartësia e spitalit ku trajtoheshin me covid-19. Fatkeqësisht tre rastet e mëparshme kanë qenë tragjike, pasi pacientët kanë ndërruar jetë menjëherë pas aktit ekstrem.