Për të tretën ditë rrjesht , anija sizmografike turke Oruc Reis po lundron brenda raftit kontinental grek duke shkelur sipas Athinës të Drejtën Ndërkombëtare dhe duke rritur tensionin në e Mesdheut Lindor. Përballë anijes kërkimore që shoqërohet me luftanije turke sipas pamjeve që ka publikuar ministria e Jashtme e Turqisë , ndodhen anijet e flotës luftarake të Greqisë që vazhdojnë tu bëjnë thirrje për tu larguar nga ujërat greke, ndërsa forcat e armatosura ndodhen në gadishmëri të plotë. Athina në një betejë diplomatike të orëve të fundit monitoron nga afër lëvizjet e anijes dhe kërkon të sjellë para ketyre zhvillimeve udhëheqjen e BE, NATO-n dhe bashkësinë ndërkombëtare, duke përsëritur se ky nuk është një problem dypalësh por një problem midis Europës dhe Turqisë. Kërkova të mbahet një mbledhje e jashtëzakonshme e Këshillit të Ministrave të Jashtëm me temën e provokimeve dhe veprimtarisë së paligjshme teTurqisë. Kjo kërkesë vjen në një kohë të kërcënimit të qartë nga ana e Turqisë kundër paqes dhe sigurisë në Mesdheun Lindor, ndaj Greqise dhe Qipros.