“Të udhëtosh me autobus”, një dokumentar vëzhgues mbi shërbimin e transportit në Shqipëri. Top Story ka ndjekur nga afër të gjitha shkeljet e ofrimit të shërbimit urban në kryeqytet dhe në disa qytete kryesore në vend. Mungesë kondicioneri, vonesa dhe orare që nuk respektohen, tejmbushje me pasagjerë, kushte skandaloze, sedile të thyera, ndotje ambienti, janë disa nga problemet kryesore, që ka transporti urban në Tiranë dhe qytetet e tjera. Top Story vëzhgoi pjesën më të madhe të linjave urbane në Tiranë, si linjën e Unazës, Porcelani, Kombinat, Kashar, Sauk, Tufinë dhe mos për një problem a një tjetër, pothuajse janë në të njëjtat kushte të këqija për qytetarët. Top Story solli dhe diskriminimin që i bëhet invalidëve, të cilëve nuk u krijohet hapësirë, mundësi dhe akses që të lëvizin përmes urbanëve. Top Story u ndal dhe tek rritja e çmimit të biletës dhe mos rritja e cilësisë së shërbimit dhe marzhi i fitimit për çdo linjë urbane. Top Story udhëtoj dhe në qytetet si: Shkodër, Durrës, Fier dhe Vlorë për të pasqyruar problemet e transportit urban në këto qytete.