Pavarësisht pandemisë, ai që lamë pas ishte një vit që theu cdo rekord për të pasurit e botës, me një rritje prej 5 trilionë dollarësh të pasurisë së tyre dhe një numër të paprecedenttë miliarderësh të rinj. 2020 ka qenë një vit si asnjë tjetër, dhe këtu nuk po flasim për pandeminë. Ka patur debutime në bursa të kompanive, rritje të kriptomonedhave dhe ngjitje në qiell të aksioneve. Ndërkohë, numri i miliardëreve në listën e 35 të përvitshme të revistës Forbes, që bën klasifikimin e më të pasurve të rruzullit, ka shpërthyer në një shifër të paprecedenttë, plot 2755 ose 660 më shumë se një vit më parë. Të gjithë së bashku ata vlejnë 13.1 trilionë dollarë, një rritje e konsiderueshme nga 8 trilionë dollarë që kjo pasuri ishte në listën e forbes të vitit të kaluar. Ka po ashtu një rekord prej 493 emrash të rinj në listën e miliarderëve, ose ndryshe, një miliarder i ri në cdo 17 orë, përfshirë 210 miliarderë nga Kina dhe Hong kongu dhe 98 nga SHBA.