Në një tjetër burg vec atij të Peqinit, të burgosurit pretendojnë se po ju shkelen të drejtat, po diskriminohen dhe se po trajtohen pa humanizëm. 38 të burgosur në burgun e Recit shfaqin shqetësimin se po u mohohet e drejta për të takuar familjen dhe se pas shpalljes së pandemisë ju është refuzuar edhe e drejta për të përfituar leje shpërblyese. në një letër të dërguar Top Channel të burgosurit në Rec tërheqin vëmëndejen se ndonëse ka përfunduar fuqia e aktit normativ për masat e jashtëzakonshme dhe pas kësaj rinisi aktiviteti, kjo gjuë nuk reflektohet në burgje. "ndërsa për të dënuarit vazhdon e njëjta situatë. kemi mbetur të diskriminuar, ministria e drejhtësisë nuk përgjigjet se deri kur do vazhdojë kjo gjendje e rëndë për ne" shkruajnë të burgosurit. ndërkohë në burgun e peqinit të dënuarit dhe të paraburgosurit vazhdojnë të refruzojnë ushqimin , pas peticionit të shpërndarë në disa institucione ku kërkojnë trajtim human dhe amnisti të përgjithshme në sistemin penitenciar. për asnjërën nga këto situata nuk ka ende një qëndrim zyrtar, kurse të burgosurit e Peqinit nënjë lidhje telefonike për TCH qartësuan se numri i atyre qe refuzojnë ushqimin e burgut ka skuar në 400 persona.