Një tjetër denoncim vjen në lidhje me Era Esthetic Academy. Pas publikimit të rastit të parë, një tjetër vajzë rrëfen përvojën e saj, duke ngritur akuza për certifikata të parregullta, mungesë trajnimi cilësor dhe komunikim të papërshtatshëm nga ana e akademisë. Sipas saj, pas përfundimit të kursit nuk ka marrë një dokument të rregullt, ndërsa në përpjekje për të kërkuar shpjegime, pretendon se është përballur me ofendime dhe presion. Ajo tregon gjithashtu për parregullsi në të dhënat e certifikatës dhe vonesa të pajustifikuara në dorëzimin e saj. Në dëshminë e saj përmenden edhe komunikime të tensionuara me përfaqësues të akademisë, ku ajo pretendon se është etiketuar dhe kërcënuar. Ndërkohë, një shoqatë e fushës së estetikës thuhet se është në dijeni të rasteve të ngjashme dhe nuk bashkëpunon më me këtë subjekt.