Ndryshimi i klimës është armik i meshkujve. Sipas të dhënave të fundit të andrologëve, numri mesatar i sparmatozoidëve të meshkujve, sot, është përgjysmuar, krahasuar me 40 vite më parë dhe vetëm në vendin fqinj, itali, sipas statistikave, një në 10 meshkuj, është tashmë jo pjellor. Rritja e vazhdueshme e temperaturës, bashkë me smogun, ndotjet kimike dhe rrezatimet, mund të vendosë në rrezik aftësinë riprodhuese të meshkujve. Ka qenë e ditur në fakt se temperatura dëmton aparatin riprodhues të meshkujve, më shumë se sa atë të femrave. Studimet mbi kafshët, kanë treguar se rritja e temperaturave po kontribuon me gjasë në zhdukjen e disa specieve sepse aparati riprodhues mashkullor dhe spermatozoidët janë të ndjeshëm ndaj të nxehtit. Edhe ekspozimi i meshkujve ndaj nxhtësisë gjatë moshës së zhvillimit, kompromenton aftësinë riprodhuese kur ata të bëhen të rritur. Dhe është tashmë thuajse e provuar edhe se ekspozimi profesional ndaj temperaturave të larta, sic ndodh psh me kuzhinierët apo saldatorët, mund të kompromentojë pjellorinë. Por duhet patur kujdes edhe nga celulari. Sepse dicka e ngjashme mund të ndodhë edhe nëse keni zakonin e keq të mbani gjatë telefonin në prehër mund të dëmtohet ndjeshëm fertiliteti. Sidoqoftë, përballë rreziqeve të tilla, një kontroll tek andrologu mund të jetë i dobishëm për të kuptuar se si të mbrohet shëndeti seksual mashkullor edhe nga kërcënime të jashtme, duke modifikuar stilin e jetesës. Pra, ata që kanë vendosur të ngrenë familje apo ta zgjerojnë atë, më shumë sport, veshje të lehta, telefon larg prehërit dhe dritare të hapura.