Viti 2023 mund të cilësohet si viti i prokurorisë së posaccme kundër korrupsionit dhe krimit të organizuar, për shkak të lajmeve të bujshme që prodhoi kjo stukturë përgjatë harkut kohorë të 12 muajve, duke nisur nga arrestimet e deri tek ngritja e akuzës për zyrtarë të lartë. Janari nisi me mbylljen e hetimeve për dosjen ‘Gërdeci’, ccështje për të cilën është marrë i pandehur ish ministri i mbrojtjtes Fatmir Mediu nën akuzën e “shpërdorimit të detyrës”. Më 10 janar, Mediu ndenji 60 minuta brenda SPAK, ku iu komunikua akuza. Pas daljes së tij nga kjo struktutë, ish ministri u shpreh se është i pafajshëm. Ndonëse kanë kaluar më shumë se 15 vite nga shpërthimi tragjik në Gërdec, ku 26 persona humbën jetën dhe 300 të tjerë mbetën të plagosur, kjo dosje ende nuk është mbyllur. Më 21 shkurt nisi gjykimi për dosjen e inceneratorit të Elbasanit. Ky gjykim përfundoi më datë 5 tetor, ku u shpall vendimi final për 10 të pandehur dhe për dy kompani. Nga personat e pandehur, ish deputeti socialist Alqi Bllako u shpall i pafajshëm.