“Unë nuk lëshoj vetëm djalin e vogël dhe ndonjë shkëmb në det ku do të hidhet. Por nuk mbaj asnjë burrë me para të vjedhura në karrige kur vjen ora të thirret”, deklaroi Edi Rama përpara deputetëve. Është një ndër qëndrimet më domethënëse të dy orëve të fjalimit të kryeministrit Rama. Shumicën e kohës së fjalimit e zuri sqarimi I tij në raport me bashkëpunëtorët e tij të burgosur, të shpallur nën hetim apo të thirrur në SPAK për çështje korrupsioni që po hetohen nga prokuroria e posaçme. Kryeministri ka bërë të qartë se nuk merr përsipër asnjë barrë që mund të vijë prej cilitdo bashkëpunëtorë a ish-bashkëpunëtori që siç tha Rama, ka shfrytëzuar detyrën e tij për përfitime personale. Ai i quan “tradhëtar të dyfishtë” duke theksuar kategorikisht që nuk mund ta kenë mbështetjen e tij as të PS në betejën e tyre me SPAK.