Edhe pse zgjedhjet vendore kanë vetëm 1 muaj që kanë përfunduar, jo të gjitha bashkitë kanë në krye të tyre të zgjedhurit e 14 majit. Bashkia e Kukësit pasi u kthye në një bashki të fitueshme për socialiastët, nuk mund të ketë në krye të saj Safet Gjicin, kryebashkiakun që sabo u betua për mandatin e tij të dytë dha dorëheqjne pasi u shfaq në një aferë seksuale në zyrën e tij. Aktualisht ish-kryebashkiaku Gjici është pas hekurave nën akuzën e korrupsionit pasiv dhe shpërdorimit të detyrës. Pa kryebashkiak vijon të jetë edhe Himara, bashkia që në këto zgjedhje votoi Fredi Belerin, kryebashkiakun e pabetuar që rezultatin e fitores e mësoi nga qelia, pas arrestimit 2 ditë para zgjedhjeve për blerje votash. Pavarësisht presionit nga Greqia dhe kërkesave të vetë Belerit për të bërë betimin e tij si kryebashkiak, deri në një vendim të formës së prerë kandiodati i propozuar nga koalicioni Bashkë Fitojmë do të mbetet pas hekurave. Në qeli është ende edhe ish-kryebashkiaku socialist i Bulqizës, Lefter Alla që u arrestua nga SPAK për abuzim në tendera. Përse kaq shumë raste të abuzimit me detyrën nga të zgjedhurit vendiorë?