Emisioni investigativ “Fiks Fare” denoncon një tjetër skandal me fondet publike dhe dëmtimin e veprave infrastrukturore në Shqipëri. Në zonën e Milotit, gërryerjet e vazhdueshme të lumit Mat kanë sjellë dëmtime serioze në ura dhe segmente rrugore, pavarësisht miliona eurove të shpenzuara për rehabilitim dhe mirëmbajtje. Vetëm për këtë segment janë investuar mbi 2.3 milionë euro, ndërkohë që problemet vazhdojnë dhe situata përkeqësohet. Pamjet tregojnë ekskavatorë që punojnë pranë urave, duke marrë inerte dhe duke rrezikuar strukturat ekzistuese. Ura e Trenit u mbyll në korrik 2025 për shkak të rrezikut, ndërsa ndërhyrjet emergjente nuk kanë dhënë zgjidhje afatgjatë...