Një atentat me armë zjarri i është bërë një 44-vjeçari shqiptar në Belgjikë. Mësohet se bëhet fjalë për shtetasin Agustin Kaza nga Mirdita, i cili aktualisht ndodhet në gjendje kritike për jetën. Sipas mediave vendase, 44-vjeçari është qëlluar me armë zjarri në trotuarin e një kafeneje në pronësi të një shqiptari mbrëmjen e djeshme (28 prill) në Bruksel rreth orës 22:30. Nga pamjet e publikuara në mediat, një person me kapuç ecën në trotuar para kafenesë dhe papritmas ka nxjerrë armën nga dora duke qëlluar disa herë ndaj shqiptarit. Autoritetet në Bruksel kanë nisur hetimet për të zbardhur rrethanat e plota te ketij atentati dhe per te identifikuar autorin. Mediat e huaja bëjnë me dije se dyshohet se ngjarja ka ndodhur për motive hakmarrje, pasi vëllai i Agustin Kazës, Martin Kaza akuzohet për vrasjen e dy vëllezërve Gjini. Gazetare: Luçiana Hulej