Një ngjarje e rëndë ka ndodhur në Dhërmi ku 43-vjeçari Gerald Shehu dyshohet se ka vrarë me armë zjarri 31-vjeçarin Eraldo Nevruzi i cili punonte si recepsionist në hotëlin ku autori i dyshuar i ngjarjes ishte bashkëpronar. Ngjarja dyshohet të ketë ndodhur rreth orëve të para të mëngjesit të djeshëm (rreth 00:30), në pjesën e dhomave ku qëndronte personeli i hotelit. Pasi ka ekzekutuar Eraldon, Gerald Shehu fshiu kamerat e sigurisë, fshehu trupin e më pas është larguar drejt Greqisë nga pika kufitare e Qafë Botës. Nga hoteli deri në Sarandë, autori i dyshuar i ngjarjes ka shkuar me makinën e tij tip “Audi” me targa angleze që u gjetë e braktisur dhe me të cilën dyshohet se është transportuar e më pas është zhdukur trupi i viktimës. Dyshime janë ngritur se Gerald Shehun mund ta ketë ndihmuar edhe një person tjetër për t’u arratisur duke e transportuar të paktën nga Saranda drejt Qafë Botës. Gazetar: Orest Floku