Sondazhet tashmë janë prej vitesh pjesë të pandashëm të fushatave elektorale në Shqipëri. Por ndërsa publikukërkon orientim, partitë politike shpesh i lexojnë me sy kritik, për të mos thënë selektiv. Pothuajse çdo parti e madhe bën sondazhet e veta, zakonisht të brendshme, për konsum të stafit elektoral dhe për orientimin e kandidaturave. Por të vetmet që shfaqen në publik janë ato të kontraktuara nga mediat. Dhe mes tyre, Top Channel ka sjellë jo pak herë surpriza në skenën elektorale. Në zgjedhjet lokale të vitit 2023, Top Channel kontraktoi dy kompani të ndryshme për matjen e tendencave në qytetet kryesore. Në Shkodër, ndër të paktat herë, sondazhi i parashikoi fitoren Partisë Socialiste – një rezultat që të tjerët nuk e pritën, por që në fund u konfirmua në kutitë e votimit. Në zgjedhjet e përgjithshme të vitit 2025, sërish Top Channel investoi në një sondazh të thelluar. Sondazhi i realizuar nga McLaughlin & Associates në bashkëpunim me Top Channel për zgjedhjet parlamentare të vitit 2025 parashikoi se PS do të fitonte me 49.4% të votave, ndërsa PD do të siguronte 34.9%. Rezultati real në zgjedhjet e 11 majit, ishte se PS fitoi me 53.3% të votave dhe 83 mandate, ndërsa PD mori 32.9% të votave dhe 50 mandate. Ky ishte një parashikim i afërt me rezultatin real, me një diferencë prej 3.9 pikësh për PS-në dhe 2.1 pikësh për PD-në. Ky nivel saktësie është i konsiderueshëm për sondazhet politike, duke marrë parasysh kompleksitetin e matjeve dhe ndryshimet dinamike të opinionit publik. Por sondazhet nuk janë thjesht pasqyra të opinionit, janë gjithashtu mjet ndikimi, sidomos për votuesit e pavendosur. Por ndërsa besimi në to ndryshon nga një kamp politik në tjetrin, ndikimi që ato ushtrojnë mbi perceptimin publik është i padiskutueshëm. Në politikën shqiptare, edhe perceptimi është pushtet. Sa dalin sondazhet? Sa besojne partite te sondazhet? A ndikojne sondazhet tek orientimi i votes?