Një ngjarje e papritur, e paprecedentë, ndodh sot në Për’puthen. Remili e akuzon Livian se ka shkuar me një djalë tjetër. Jo vetëm kaq, dy konkurrentët përfshihen në një debat shumë të ashpër me njëri-tjetrin dhe ofendimet kundrejt secilës palë janë vërtet shumë të rënda. Remili e paska kërcënuar Livian dhe madje sot në program, e quan atë femër të pështirë e i drejtohet keq, duke i thënë ‘ti i jepesh çdo djali…’, një frazë kjo shumë e vështirë për t’u përtypur nga një vajzë. Livia e dëshpëruar kërkon ndihmën e studios, më saktë kërkon mbrojtje nga konkurrentët e tjerë, por mbetet për t’u parë qëndrimi i studios në këtë situatë, që është goxha e papritur edhe për pjesën tjetër. Për'puthen, reality show më i ndjekur i dashurisë në Shqipëri. Djem dhe vajza të reja, në prezencën e kamerave dhe syrit të publikut përjetojnë flirtet, pëlqimet, xhelozitë, intrigat, lidhjet e dashurisë dhe emocionet më të sinqerta. Programi i përditshëm që pasqyron një pjesë të realitetit shqipar, është kthyer tashmë në fenomen me mbi 1 miliardë klikime. Autore: Olsa Muhameti Moderatore: Bora Zemani Opinionist: Arjan Konomi