Një ekzekutim brutal u regjistrua mbrëmjen e së shtunës në rrugën “Ilia Iliu”, në qendër të Athinës. 44-vjeçari Vangjelis Zabunis u vra me mbi 90 plumba në një atentat të mirëorganizuar. Viktima dyshohet se mund të jetë vrarë për larje hesapesh, pasi cilësohet si një mafioz në vendin fqinj. Në jetën e natës së Athinës prej kohësh flitej se po kërkoheshin vrasës për një punë të madhe. Nga mënyra e vrasjes, mënyra sesi ishin lidhur krëhërat e armës, goditja me plumbin e pistoletës në kokë për t”u siguruar se vdiq tregojnë se ekzekutorët kanë qenë profesionistë. Sipas pistave të policisë, ekzekutori/ët dyshohet se janë vrasës me pagesë dhe se mund të jenë edhe shqiptarë. Burime për gazetarin e Top Channel, Artur Bibe kanë bërë me dije se autoët mud të jenë paguar më shumë se 300.000 euro për të kryer atentatin. Gazetar: Kristo Kote