Qeveria shqiptare ka alokuar një fond prej 3 990 000 dollarë me qëllim për t’u bërë pjesë e Aleancës GAVI, për pjesëmarrjen në strukturën globale, në blerjen e vaksinës të COVID-19 (COVAX Facility). Për t’u bërë pjesë e kësaj strukture globale, “dozat totale të pjesëmarrësit”, janë 1 140 000 (një milion e njëqind e dyzet mijë), të cilat mbulojnë 20% të popullsisë. Në relacionin e projektligjit dërguar parlamentit thuhet se kjo bëhet për shkak të urgjencës që paraqet prokurimi i vaksinës kundër COVID-19. COVAX Facility thuhet në këtë relacion është krijuar si një mekanizëm global për të nxitur zhvillimin e shpejtë të vaksinave kandidate ndaj COVID-it, prodhimin në masë të gjerë të vaksinave të certifikuara dhe shpërndarjen e shpejtë e të barabartë për të gjitha vendet. Sipas Ministrisë së Shëndetësisë, hartuese e relacionit, “të gjitha vendet pjesëmarrëse, pavarësisht nga nivelet e të ardhurave, do të kenë qasje të barabartë në këto vaksina pasi ajo të jetë zhvilluar”. Shtetet e Bashkuara të Amerikës dhe NATO i dhuaruan Shqipërisë 60 respiratorë të rinj, të cilët do t’i shtohen betejës me Covid-19. Kryeministri Edi Rama e quajti përballjen me Covid-19 një luftë të vështirë. Apelin ia drejtoi të gjithë pronarëve të bareve dhe restoranteve.