Koha drejtë zgjedhjeve të 11 majit në Shqipëri ka nisur numërin mbrapsh, ndërkohë që temperaturat e politikës sa vijnë dhe rriten. Për herë të parë në mbi 30 vite tranzicion, partitë e vogla vëtëofrohen dhe kanë bindjen se do të prishin lojën e vjetër të dy forcave të mëdha politike për të qenë përcaktuese në zgjedhje. Nisur nga kjo ambicje, forcat e reja politike janë futur në një përballje të ashpër për fitim territoresh. Kriza e zgjatur e opozitës dhe dalja në skënë e aktorëve politikë në drejtimin e partive nga rradhët e Partisë Demokratike duket se e ka bërë territorin e të djathtës më të lakmuar për të gjithë. Edhe pse një aleancë politike do t'i forconte shumë më shumë përballë 2 forcave kryesore, partitë e vogla kanë zgjedhur një tjetër rrugë. 48 orët e fundit një debat mes kreut të Partisë Mundësia Agron Shehaj dhe kreut të Shqipëria Bëhet Adritatik Lapaj ka ndezur rrjetin dhe militanët respektiv. Nga akuzat për bashkëpunim me krimin, tek kompanitë e sekuestruara në SPAK dhe një paralajmërim për përballje në Gjykatë ishin verbi që palët i adresuan njëri-tjetrit duke mos u kursyer në fyerje dhe linçime. Si të infektuar nga pandemia e sherrnajës mes partive tradicionale, Shehaj dhe Lapaj në fakt kanë mundësinë e artë për të krijuar një mënyrë të re politikbërje. Por a është kjo një luftë mes njëri-tjetrit për vota, apo të gjithë kanë të njëjtin emërues, ardhjen në pushtet? Çfarë po ndodh mes partive të vogla? A do të arrijnë ato të kenë peshë reale në këto zgjedhje? Kush duhet të jetë më e shqetësuar nga rritja e tyre opozita apo mazhoranca?