Gazetari i mirënjohur Milaim Zeka vjen për publikun shqiptar me emision ‘Zona Zero’ në TOP News. Cdo të hënë duke nisur nga ora 20:30 për më shumë se dy orë do të flitet për politikën, aktualitetin, rajonin dhe sidomos për çështjen shqiptare. ‘Zona Zero’ do të jetë një hard talk me intervista ekskluzive, do të jetë një zonë debati dhe përcjellje idesh me emrat më të njohur të publicistikës shqipfolëse. Çdo të hënë do të flasin drejtuesit më të lartë të shteteve ku jetojnë shqiptarët në rajon, Shqipëria, Kosova, Maqedonia e Veriut dhe Mali i Zi. ‘Zona Zero’ do të ketë analiza, debate, komente, intervista, personazhe, dëshmi dhe fakte konkrete.