Shpërthimi i 29 nëntorit në Ibër-Lepenc – kanalin në veri të Kosovës, prej nga furnizohen me ujë disa qytete dhe termoelektrana– u shkaktua nga rreth 20 kilogramë eksplozivë. Policia e Kosovës dhe drejtuesit më të lartë politik në vend e cilësuan mirëfillimi një akt terrorist dhe me të rëndin në Republikën e Kosovës që nga lufta e viteve 1998-1999. Policia e Kosovës është e bindur se pas sulmit qëndron Serbia, duke treguar edhe armatimet dhe simbolet ruse e serbe të sekuestruara në zonat përreth sulmit. Për herë të parë edhe faktori ndërkombëtar, përfshirë këtu edhe Shtetet e Bashkuara dolën hapur në mbështetje të Kosovës duke e cilësuar njësoj si klasa politike në Kosovë aktin një sulm terrorist. 72 orë pas sulmit në Ibër-Lepenc, zv/kryeministrja e Kosovës dhe Ministrja e Jashtme, Donika Gërballa foli me tone të forta në Komitetin për Punë të Jashtme të Parlamentit Evropian, duke akuzuar drejtëpërdrejtë Serbinë. Sipas Gërvallës, Bashkimi Europian duhet të reagojë duke ndaluar financimet miliarda euro për vendin që shkon në kundërshtim me vlerat e Evropës, duke ju referuar Serbisë. Për ministren e Jashtme duhen besuar njerëzit që në BE dhe në NATO e kanë kuptuar qartë që nuk ka të bëjë me propagandën e Vuçiçit, por me faktet dhe ngjarjet që ndodhin në veri të Kosovës, të cilat sjellin nveojën për një veprim të shpejtë pa qenë vonë. Por cilat do të jenë hapat e rradhët që do të ndjekë Kosova? Sa do të ndikojnë episode të tilla në zgjedhjet e shkurtit të ardhshëm? A mund të quhet i përfunduar dialogu Kosovë-Serbi pas këtyre sulmeve?