Qytetari Elmaz Gjepali nga Shijaku denoncon në Fiks Fare një gabim të rëndë të Gjendjes Civile. Në certifikatën familjare të familjes së tij figuron prej vitesh një shtetase që nuk ka asnjë lidhje farefisnore me ta. Edhe pse Gjykata e Durrësit ka vendosur korrigjimin e aktit të lindjes që në vitin 2011, emri i saj vazhdon të shfaqet në trungun familjar. Për shkak të këtij gabimi, familja nuk mund të kryejë procedura të rëndësishme ligjore, si dëshmia e trashëgimisë, veprimet në hipotekë apo te noteri. Fiks Fare ndoqi rastin dhe kërkoi shpjegime nga Gjendja Civile dhe Drejtoria e Përgjithshme e Gjendjes Civile.