Rrugë mes pyllit/ Banorët e Bulqizës protestë: Firma të palicensuara po shfrytëzojnë pa kriter pyjet

Banorët e fshatit Vajkal në Bulqizë, të mbështetur edhe nga unioni i ekspertëve mjedisor shqiptarë dhe nga vetë eksperti mjedisor Sazan Guri, kanë protestuar për të mbrojtur pyjet e kurorës së Bulqizës. Shkak i kësaj proteste ishte pasi vetë banorët kishin pikasur hapjen e një rruge përmes pyjeve, gjë kjo që do të çojë në shkatërrimin nga prerja e paligjshme së pyjeve. Banorët një pjesë e të cilëve emigrant u mblodhën në afërsi të rrugës nacionale, duke kërkuar që kurora e malit të Bulqizës të mos preket për shfrytëzim. Banoret akuzojnë shtetin pasi sipas tyre ju ka dhënë hapësirë firmave të ndryshme të palicensuara që shfrytëzojnë pa kriter pyjet e Bulqizës, është një masakër mjedisore shprehen ata dhe se ne jemi të vendosur ta mbrojmë deri në fund. Ata i kërkojnë të gjitha instancave vendore e qeveritare që të ndërhyjnë sa më parë dhe të mos lejojnë të prekin kurorën e malit të Bulqizës , siç ka ndodhur me masivin pyjor tek liqeni i Zi. Në mbështetje të banorëve e mori fjalën edhe eksperti mjedisor Sazan Guri ku në fjalën e tij tha që këtu po bëhet një vepër kriminale ndaj instancat ligjore duhet të marrin masa për ndalimin sa me shpejt të kësaj masakre mjedisore.