Një socialist i revoltuar nga Lapuleci i Mallakastrës, Hajdar Hajdari, denoncon në Fiks Fare parregullsi në zgjedhjen e kryetarit të ri të PS në zonën e tij. Sipas tij, procesi është zhvilluar në kundërshtim me statutin e partisë dhe pa pjesëmarrjen e plotë të anëtarësisë. Hajdari pretendon se kryetari i ri u zgjodh pa qenë më parë pjesë e organizatës dhe pa respektuar procedurat e kërkuara. Pranë tij ishte edhe Përtef Koçia, një nga veteranët e organizatës bazë, i cili thotë se nuk ishte njoftuar fare për mbledhjen. Të dy kërkojnë anulimin e procesit dhe zhvillimin e zgjedhjeve të reja me votim të lirë nga organizata. Sipas tyre, kryetari nuk duhet të “komandohet nga lart”, por të zgjidhet nga anëtarësia.