Që në nisje të këtij sesioni duket se e gjithë politika ka qenë në krizë. Në një anë kryeminsitri Edi Rama i fokusuar tek problemet me drejtësinë i përfaqësuesve të kabinetit të tij dhe nga ana tjetër vetë opozita me përplasjet e saj të brendshme dhe pamundësinë për të organizuar protesta masive përballë skandaleve të qeverisë. Në kushtet kur i duhet më shumë se kurrë mbështetje qytetare pasi paralajmëroi protestën e radhës, Sali Berisha hoqi vizën e kuqë të PD dhe i shtriu dorën e bashkëpunimit edhe partive të reja të Adriatik Lapajt, Agron Shehajt dhe Arlind Qorrit. Por ai mori një "jo" të prerë nga Arlind Qorri dhe Agron Shehaj, ku ky i fundit i kujtoi se nuk mund të bashkëpunojë me njerëz që janë në hetim nga SPAK. Ndërsa Adriatik Lapaj pas një muaji qëndrese para kryeminsitrisë, ka vendosur që mbase në protesën e radhës të afrojë karrigen e tij të qëndresës me tubimin e PD-së. A po përpiqet opozita të rindërtojë veten përballë të njëjtit kundërshtar, apo thjesht të mbijetojë brenda formulave të vjetra?