Rama, fushatë në Kurbin dhe Rrëshen/ Shikon projektet e rindërtimit dhe vaksinimin e të moshuarve

Në Kurbin janë hapur 11 kantiere rindërtimi pas tërmetit të 26 nëntorit. Kryeministri Edi Rama inspektoi punimet për lagjen e re në zonën 1 dhe 2 të qytetit, ku krahas apartamenteve parashikohet të ndërtohen shkolla të reja, qendra tregtare, një infrastrukturë krejtësisht e re si dhe ujësjellësi i qytetit. Paralelisht me rindërtimit në Laç po ecën edhe një tjetër proces, ai i vaksinimit. Pas Kurbinit, Rama u ndal në Rrëshen ku po ndërtohet një lagje rezidenciale, me 35 banesa individuale dhe 68 apartamente të reja. Brenda 20 majit pritet të mbyllet ndërtimi i infrastrukturës dhe shtrimi i rrjeteve nëntokësore në Rrëshen.