Rama: 5 qershori s’ndryshon/ “Parlamenti do votojë edhe hapjen e listave, koalicionet nuk ndalohen”

Fjalën e urtë popullore të dy këmbëve në një këpucë, kryeministri Edi Rama e përdori nga foltorja e parlamentit si përgjigje për kundërshtitë e forta të ndryshimeve kushtetuese nga kryedemokrati Basha. “Unë vërtet e kam 46, por këmbën e majtë s’ma nxë. Ne bëmë një lëshim të madh, jo sepse nuk kishim rrugë tjetër, por kjo ishte rruga më e mirë për të përfshirë opozitën jashtëparlamentare në procesin politik. Është një motiv që të kuptojmë se PS dhe unë personalisht nuk kemi një qasje autoritariste, sepse ishte rasti për të bërë të kundërtën nëse do ishim të tillë. Dhe do thoshim; kush jeni ju? Ju s’jeni në Kuvend. S’përfaqësoni askënd përveç vetes”, u shpreh Rama. Pasi e vlerësoi Myslim Murrizin si të palodhur, kryeministri i kërkoi respektimin e kufijve të kërkesave.