Top Channel do tu ofrojë shqiptarëve një program të larmishëm me një seriozitet dhe paanësi absolute gjatë periudhës së fushatës elektorale, zgjedhjeve dhe leximit të rezultateve në kohë reale. Angazhimin maksimal e tregon dhe bashkëpunimi me John McLaughlin, sondazhistin zyrtar të Presidentit Donald Trump, për zgjedhjet e majit 2025 në Shqipëri. Për herë të parë një ekspert i këtij kalibri ndërkombëtar përfshihet në mbulimin zgjedhor, duke sjellë një standard të ri në analizën e opinionit publik dhe parashikimin e tendencave elektorale. John McLaughlin është vlerësuar nga presidenti Donald Trump si “një nga më të mirët në këtë fushë” dhe “një mendje brilante strategjike”. Rezultatet dhe analizat nga puna e McLaughlin do të transmetohen ekskluzivisht në emisionin më të rëndësishëm politik, Top Story, po ashtu dhe në Top Channel dhe në rrjetet tona sociale.