Në nëntor SPAK kërkoi pezullimin nga detyra të zv.kryeministres Belinda Balluku, si masë paraprake për hetimin e nisur për shkelje të barazisë në tendera. Vetë Balluku nuk ka pranuar të flasë derisa hetimet të përfundojnë. Më 12 dhjetor Gjykata Kushtetuese shqyrtoi ankimin e ekzekutivit ndaj kërkesës së SPAK. Me 5 vota pro dhe tre kundër kjo gjykatë riktheu në detyrë zv.kryeministren dhe ministren e Infrastrukturës dhe energjisë. Kushtetuesja argumentoi se vendimet e GJKKO-së që ndaluan ushtrimin e detyrës “cënuan kompetencat e ekzekutivit” dhe se masa duhej pezulluar derisa çështja të shqyrtohet më tej duke e çuar debatin në një seancë publike më 22 janar 2026 për interpretimin final kushtetues të kompetencave të gjykatave ndaj anëtarëve të qeverisë. Edi Rama e quajti vendimin e Kushtetueses si një fitore për pavarësinë e ekzekutivit dhe një zgjidhje që ruan funksionimin e qeverisë. Ndërsa për opozitën ky vendim do të sjellë protesta kombëtare. A nxit pezullimi i masave kundër zyrtarëve të lartë nga Gjykata Kushtetuese një precedent pozitiv për shtetin e së drejtës, apo a minon fuqinë e SPAK-ut dhe gjykatave penale në funksion të llogaridhënies së zyrtarëve publikë?