Marrëdhënia e Ilir Rusmailit me Partinë Demokratike është ndarë mes urrejtjes dhe dashurinë, por kjo e fundit mbizotëroi në mbledhjen e fundit të Komisionit të Ankimimeve dhe Ankesave. Vota e ish ministrit demokrat shpëtoi listën e demokratëve nga krasitja duke rikthyer ne garë 69 kandidatët e skualifikuar. Rusmali vendosi të bashkojë votat me dy anëtarët e propozuar nga radhët e opozitës duke rikthyer listën me 222 kandidatë të opozitës . Vendimmarrja e KAS, për Partine Socialiste krijon pabarazi në garë në një kohë se ajo ka regjistruar vetëm 153 kandidatë ashtu sikurse edhe subjektet e tjera zgjedhore . Fjala e fundit i takon Kolegjit Zgjedhor ku socialistet kanë shpresë të marrin drejtësi teksa na ndan vetëm një ditë nga nisja fushatës e garës elektorale. Ankimimi i socialistëve në gjykatë mesa duket do mbaje peng edhe për pak ditë debatin për kompoziomin fletës së votimit ku do duhet të reflektohet edhe numri i madh i kandidatëve për deputet. Varietetet e fletës së votimit janë tashmë gati, por palët ndahen serish. Socialistët kërkojnë që kandidatët të shënohen me numra, ndërsa opozitarët mbështesin pasqyrimin e kandidatëve me emra.