Daljet mediatike të ministres së arsimit për protestat ‘Drejtësi për Klodianin’ ku kishte kryesisht pjesëmarrjen e të miturve shkaktoi zemërimin e studentëve të ‘Lëvizjes për Universitetin, që sipas tyre ministrja ka tentuar të nëpërkëmbë frymën e protestës së të rinjve duke i konsideruar subjekte të psikologut. “Ne ndihemi të fyer për shkak të deklaratave të ministres duke i njollosur protestuesit”, tha njëri nga protestuesit. Pas deklaratës së aktivistëve që kërkonin dorëheqjen e ministres, të rinjtë e lëvizjes për universitetin gjuajtën me bojë të zezë ministrinë e arsimit në shenjë simbolike. Ndërsa një ditë më parë ministrja Kushi në një status në Facebook reagoi duke përgënjeshtruar deklaratat qe sipas saj janë keqcituar e shtoi më tej se vlerëson protestat por është kundër dhunës e keqpërdorimit të fëmijëve në to.