Mohamed Alabbar themelues dhe pronar i kompanisë EMAAR vizitoi ambientet e Topchannel. Kompania EMAAR do të transformojë portin e Durrësit në një port turistik të ngjashëm me Dubai Marina, përmes një investimi 2 miljard dollar. Mohamed Alabbar fillimisht i përgjigjet pyetjes se në çfarë faze ndodhen përgatitjet për këtë projekt dhe nëse puna do të mund të filloj këtë pranverë. Mohamed Alabbar: eshtë duke u bërë shumë punë. Në fakt inxhinierët tanë dhe ata shqiptarë, që mbërrin sonte në Dubai, do të kenë një tryezë pune. Shumë punë dhe përkushtim po tregohet tek dizenjimi, puna inxhinierike dhe koordinimit me autoritetet. Paraditen e të shtunës isha në Durrës dhe gjithçka po ecën në trasenë e duhur. Natyrisht kemi të bëjmë me port ekzistues dhe duhet të bëjmë shumë kujdes. Jam i impresionuar me njerëzit me të cilët po bashkëpunoj si kryetari bashkisë dhe autoritetet qeveritare. Të gjithë janë të gëzuar nga ky projekt dhe po lëvizin me shpejtësi. Po, mund të them se këtë verë mund të shikojnë nisjen e disa punimeve.