Presidenti i Iranit Ebrahim Raisi ka humbur jetën ditën e diel pas një aksidenti ku ishte duke udhëtuar me helikopter. Pas shumë orë kërkimesh dhe ndihme nga shtetet aleate, u gjetën trupat e pajetë të Raisit dhe ministrit të Jashtëm Hossein Amir-Abdollahian. Helikopteri me të cilin ishte duke udhëtuar Presidenti, ministri i jashtëm dhe disa persona të tjerë dyshohet se është aksidentuar për shkak të mjegullës, pavarësisht se dyshimet për vdekje të një rëndësie kaq të lartë ngrihen gjithmonë edhe si sulme nga vendet kundërshtare. Pas ngjarjes, i pari që u përpoq të ruantë qetësinë në popull ishte udhëheqësi suprem i Iranit Ayatollah Ali Khamenei. Ai tha se të gjithë qytetarët iranianë duhet të jenë të qetë dhe të mos shqetësohen sepse puna e institucioneve shtetërore nuk do të ndalojë. Ndërkohë që shteti Iranian shpalli 5 ditë zie për ndarjen nga jeta të Ebrahim Raisit. Gazetar: Orest Floku